هاجم الشاعر المصري بهاء الدين محمد الفنانة السورية أصالة، وكتب على حسابه الخاص: "أصالة بتقفل صوتها وبتعمل بلوك لأغنية بصوتها وبتعمل بلوك لفيديو على صفحة مين ؟! هو ده الفن ؟ هل محمد عبد الوهاب والا بليغ حمدي أوغيرهم من المحترمين لما كانوا حتى بيغنوا أغنية من ألحانهم كان ممكن يمنعهم حد؟!!!، وأغرب حاجه بشوفها إن في بعض الأوقات المطرب أو المطربة بيقفل صوته بنفسه وعجبي!!!".
وتابع: "معلش بحاول ولن تتخيلوا باعمل مجهود قد إيه علشان أنزلكم أعمالي وكم المعاناة اللي أعيشها ورا كل أغنية باشيرهالكم رغم إن الموضوع مفيش منه أي عائد مادي نهائي !!! ".
وأضاف: "كل الموضوع عائد أدبي وفني وكان نفسي أكمل وأعرفكم على أعمالي ولكن بعض الأشخاص والشركات بتمنع حتى الفن ولكن أشكر كل الناس اللي طلعت محترمة بجد وكانت بتسهل وتساعد إن أعمالي تبقى على صفحتي لأن ناس كتير مايعرفوش غير جزء بسيط من أعمالي وكنت أتمنى أكمل ولكن النفوس والفلوس وحشه وأعتذرلكم عن عدم الإستمرار وخلينا ف الجديد وإن شاءالله خير".
